تۆمارکردنی کۆمپانیای نوێ

لەم پەڕەیەدا دەتوانیت کۆمپانیاکەت تۆمار بکەیت، تا ببیتە هاوبەشی سیتی ستار و بەرهەمەکانت لە سیتی ستار مۆڵ پیشان بدەیت. تکایە زانیارییەکانی خوارەوە بەتەواویی بخوێنەرەوە پێش پێشکەشکردنی داوانامەکەت.

دەربارەی سیتی ستار

کۆمپانیای سوپەر سیتی ستار لە ساڵی 2011 دا دامەزراوە. ئامانجێتی بەپێی ستانداردە جیهانییەکان کارەکانی ئەنجام بدات، هەروەها شوێن دەستی دیاربێت لە شێوازی کارکردنیدا.

ئەرکەکانی کۆمپانیای دابینکەر

• مەرجە کۆمپانیای دابینکەر بریکاری سەرەکیی ئەو بەرهەمانە بێت کە دابینی دەکات و پشتڕاستی بکاتەوە.
• کۆمپانیای دابینکەر توانای گرێبەستی هەبێت.
• کۆمپانیای دابینکەر بڕێکی جێگیر داشکاندن (خصم) دیاریبکات بۆ کۆمپانیای سوپەر سیتی ستار، لە پاش ئەو نرخانەی ئاڕاستەکراوە.
• کۆمپانیای دابینکەر مەرجە توانای کارکردنی هەبێت لە ڕێگەی پۆستی ئەلیکترۆنی (ئیمەیڵ)ەوە.

پێش ئەنجامدانی گرێبەست

• هەموو ئەو کەلوپەلانەی ئاڕاستەمان دەکرێت و لە توانادا هەیە داخڵ دەکرێت، پاش هەڵسەنگاندنی نرخەکانی و بەراوردکردنی بە هاوشێوەکانی.
• بۆ ماوەی 90 ڕۆژ، سەرجەم کەلوپەلەکان لە ژێر چاودێریی فرۆشتندا دەبن.
• تا ماوەی چاودێریکردن تەواو نەبێت، خەرجکردن ئەنجام نادرێت.
• دوای 90 ڕۆژ، بەپێی جوڵە و فرۆشی کەلوپەلەکە، بڕیار دەدرێت بۆ شێوازی بەردەوامبوون، بەپێی ڕەزامەندیی هەردوولا گرێبەست واژۆ دەکرێت.
• لە ماوەی 90 ڕۆژدا بڕی 150,000 دینار وەردەگیرێت بۆ هەر مانگێک لە بری (مروج).

لە گرێبەستدا

• کۆمپانیای دابینکەر پشتگیریی سیتی ستار بکات بۆ کەلوپەلی ماوەبەسەرچوو.
• مانگانە لە ڕێکەوتێکی دیاریکراودا ئەو پسووڵانە خەرج دەکرێت کە ماوەی 30 ڕۆژی بەسەردا تێپەڕیووە لە ڕۆژی هاتنیەوە.
• خەرجکردن لە ڕێگەی ئەلیکترۆنی و بانکەوە دەکرێت، پێویستە لایەنی دووەم هەژمارێکی بانکیی هەبێت، لە بانکێک کە لایەنی یەکەم دیاریدەکات، بۆ ئەوەی شایستە داراییەکانی لە ڕێکەوتی دیاریکراودا بۆ خەرج بکرێت.
• لە گرێبەستدا بڕی (خصم و مروج) دیاریدەکرێت.
• بۆ هەر باڕکۆدێک (Entry Tax) وەردەگیرێت و بەپێی ڕێککەوتن دەبێت، کە لە 45,000 دینارەوە دەست پێدەکات.
• ئەمانە و چەندین خاڵی کارگێڕیی بۆ بەڕێوەبردنی کارەکان، کە ئامادەی پێدراوە لە گرێبەستدا.

داوانامەی ناساندنی کۆمپانیا

تکایە ئەم فۆڕمەی خوارەوە پڕبکەرەوە، بۆ ئەوەی بتوانین پێداچوونەوە بە داوانامەکەتدا بکەینەوە و بڕیار لە ناساندنی کۆمپانیاکەتان بدەین لە سیستەمەکەمان.